Siglir tar il cuntegn

Header

Demonstrants a Jena cun in transparent cun l'inscripziun «Fridays fo Future».
Legenda: Er a Cuira è planisà ina demonstraziun per il clima. Keystone
cuntegn

Chauma dal clima Segunda runda da las chaumas mundialas

Quest venderdi èn planisadas sin l'entir mund passa 1'600 manifestaziuns da «Fridays for Future» – uschia er a Cuira ed en ulteriuras citads svizras. Il cumenzament han fatg scolars e scolaras en la Nova Zelanda.

Oz venderdi è la segunda runda da las chaumas mundialas per il clima. En tut èn planisadas passa 1'600 manifestazins da «Fridays for Future» en radund 120 pajais. Er a Cuira ed en ulteriuras citads svizras èn planisadas manifestaziuns. Ordvart bleras acziuns da protesta èn vegnidas annunziadas en l'Italia, la Gronda Britannia, ils Stadis Unids e la Svezia.

L'entschatta da la segunda runda è vegnida fatga en la Nova Zelanda. En la chapitala Wellington ed en pli che 20 ulteriuras citads èn scolars e scolaras sa participads a demonstraziuns empè dad ir a scola.

Da l'emprim di global da las protestas per il clima ils 15 da mars eran 1,9 milliuns persunas sin l'entir mund sa participadas.

RR novitads 10:00

Artitgels legids il pli savens

Scrollar a sanestra Scrollar a dretga