Chauma en Germania - Trens che van sur cunfins èn pertutgads

La chauma dals locomotivists tudestgs ha era consequenzas per colliaziuns da tren en Svizra. Ils trens che vegnian sur cunfin sajan pertutgads, communitgeschan las Viafiers federalas. Tgi che haja in bigliet possia era duvrar quel pli tard. Ils bigliets na sajan betg pli liads vid il trens. Las locomotivistas ed ils locomotivists tudestgs han cumenzà cun lur chauma ier saira. Ella cuzza fin questa saira las 18:00. Ils locomotivists tudestgs pretendan tranter auter dapli paja u pli paucas uras da lavur.