Check da sanadad per automobilists pir a partir da 75 onns

Il parlament vul che automobilistas ed automobilists ston pir a partir da 75 onns ir regularmain tar il medi per in check da sanadad. Enfin ussa è la limita tar 70 onns.

Persuna passada en in auto. Bild in Lightbox öffnen.

Legenda da maletgs: Pir cun 75 duain checks da sanadad esser obligatorics per seniors. Keystone

L’iniziativa parlamentara ha chattà ina maioritad en omaduas chombras parlamentaras. Era il Cussegl federal sustegn la fatschenta. Cun questa midada vegnia l’atgna responsabladad dals automobilists pli passads rinforzada. Plinavant vivan senioras e seniors ozendi pli sanadaivel e sajan responsabels per pli paucs accidents.

Plirs chantuns e partidas da la sanestra èn s’exprimids cunter la midada, instanzas medicinalas, il TCS e pliras partidas burgaisas èn per la midada.

RR novitads 11:00