Chemchina prolunghescha per la 4. giada l’offerta per Syngenta

Chemchina prolunghescha danovamain sia offerta da surpigliar il gigant da chemia svizzer Syngenta. L'offerta da 43 milliardas dollars vala ussa fin ils 5 da schaner, po però vegnir prolungada in’ulteriura giada.

Lieu da preschentaziun ad ina farira industriala. Bild in Lightbox öffnen.

Legenda da maletgs: ChemChina - qua tar in'exposiziun industriala a Shnaghai - renovescha sia offerta per Syngenta per la quarta giada. Keystone

Sco quai ch'il concern da stadi chinais communitgescha saja la raschun, che betg tut las permissiuns sajan avant maun. Tenor il stan actual fiss il termin da surpigliada scadì ils 8 da november.

L’offerta da surpigliar Syngenta vegn prolungada uschia per la quarta giada. Che la procedura vegn anc ina giada prolungada è fitg probabel. La cumissiun da l'Uniun europeica ha instradà ina examinaziun pli approfundada dal deal. Talas examinaziuns san durar fin 90 dis.

RR novitads 08:00