Svizra - «China Construction Bank» survegn licenza en Svizra
Per la prima giada dapi onns ha ina banca chinaisa survegnì ina licenza da banca en Svizra. La Surveglianza federala da finanzas FINMA ha confermà in rapport dal portal da finanzas Finews.
Il portal Finews aveva rapportà che la FINMA haja concedì la licenza a la banca chinaisa «China Construction Bank» (CCB).
Fin che la banca po però cumenzar cun sias fatschentas, stoppia ella anc far lavurs preparatoricas, uschia la surveglianza da finanzas. La banca chinaisa aveva gia dumandà per la licenza il mars passà.
Fin la fin da quest onn prevesa la CCB d'avrir ina filiala en Svizra.
