Siglir tar il cuntegn

Svizra Chocolat Frey sto relaschar prest 30 collavuraturs

Chocolat Frey, la societad affiliada da la Migros, sto restrenscher la fatschenta d'export. Quai ha consequenzas per radund 50 collavuraturas e collavuraturs a Buchs en il chantun Argovia. Segiramain pli pauc 30 stoppian ins relaschar.

La bandiera da Chocolat Frey sgulatscha en il vent avant la fabrica a Buchs.
Legenda: La bandiera da Chocolat Frey sgulatscha en il vent avant la fabrica a Buchs. Keystone

Ils auters collavuraturs pertutgads vegnian u pensiunads pli baud u che lur pensum da lavur vegnia reducì. I dettia in plan social fair, scriva Frey.

Sco quai che Chocolat Frey scriva èn las raschuns per quest pass ils pretschs per cacau u nuschs ch’èn creschids per 200%, ils purschiders da l'exteriur ch’insistan sin il martgà indigen ed il ferm franc ch’engrevgeschia l'export.

RR novitads 16:00