Siglir tar il cuntegn

Header

vista sin la scola politecnica Losanna
Legenda: Las scolas politecnicas federalas survegnan dapli daners sch'i va tenor il Cussegl dals chantuns. Keystone
cuntegn

Svizra Chombra pitschna vul 395 miu fr. supplementars per la furmaziun

Per la furmaziun e la perscrutaziun vul il Cussegl dals chantuns metter a disposiziun ils proxims 4 onns en tut 26,4 milliardas francs. Quai èn 395 milliuns francs dapli ch'il Cussegl federal ed il Cussegl naziunal. Ulteriurs 160 milliuns francs duain survegnir las scolas politecnicas federalas.

La contribuziun per las scolas politecnicas s'augmenta uschia sin 10,338 milliardas francs, il pli grond post dal messadi. Dapli daners prevesa il Cussegl dals chantuns era per las scolas autas (+55 miu. en total 2,81 mia.) e las scolas autas professiunalas (+40 miu. en total 2,19 mia.).

La chombra pitschna ha deliberà ils credits da basa per promover la furmaziun, la perscrutaziun e l'innovaziun. Il Cussegl federal aveva proponì bunamain 26 milliardas francs. Il Cussegl naziunal è stà la sessiun da stad dal medem maini. Ussa sto la chombra gronda puspè tractar la fatschenta. Quai fa ella probablamain anc quest'emna.

RR novitads 10:00

sda/hs

Artitgels legì il pli savens

Nach links scrollen Nach rechts scrollen