Siglir tar il cuntegn

Header

audio
Chor maschadà Grischun Turitg
Or da Actualitad dals 27.11.2023. Maletg: RTR
laschar ir. Durada: 2 minutas 12 Secundas.
cuntegn

Chor maschadà Grischun Turitg Concert da Nadal cun chanzuns per gronda part rumantschas

Ils 29 da November 2023 ha lieu il concert da Nadal dal chor maschadà Grischun Turitg en la Predigerkirche a Turitg. Ils 36 commembers e commembras da l'uniun plurilingua sa preparan per l'eveniment spezial.

Il chor maschadà Grischun Turitg, che vegn dirigì da Remo Weishaupt, datti dapi 42 onns. Il chor consista da chantadurs e chantaduras che discurran rumantsch, el ha però er intgins commembers e commebras da lingua tudestga; dal chantun Grischun, da Turitg u er d'auters chantuns.

Ils commembers e las commembras che na discurran betg rumantsch vegnan tuttina, han plaschair e dattan fadia – Quai è in grond enritgiment per noss chor.
Autur: Irena Tuor Commembra dal chor maschadà Grischun Turitg

Il mument èn ils 36 chantadurs e chantaduras occupads cun far emprovas per il concert da Nadal. Els han spustà la data dal concert, uschia ch'els avevan ussa bler temp per perfecziunar las chanzuns. Il plaschair anticipà è grond.

Il concert vegn tranter auter accumpagnà d'ina pianista e d'ina flautista dal chor – igl è in concert fitg bel.
Autur: Anna Giovanoli Commembra dal chor maschadà Grischun Turitg

RTR Actualitad 08:00

Artitgels legids il pli savens