Crista de Carouge, la pli enconuschenta designera da moda svizra, è morta. Quai ha ina collavuratura confermà. La dunna dad 81 onns saja morta suenter curta e greva malsogna. La Grande Dame da la moda svizra era enconuschenta per sia vestgadira naira, per ordinari largia ed undegianta.
Naschida è Christa de Carouge sco Christa Furrer. Pervia che ses num vegniva pronunzià en la Svizra franzosa, nua ch'ella ha vivì, sco «Führer», ha ella laschà midar el sin il num da ses lieu preferì Carouge. Il 1978 ha ella avert là sia emprima boutique. Ensemen cun ses atelier è quella boutique silsuenter daventada in'attracziun per Carouge.
Anc enfin ils 18 da favrer mussa la Chasa d'art a Zug ina retrospectiva da l'ovra da Christa de Carouge.
RR novitads 16:00