Il concern da farmazia Novartis ha pudì augmentar marcantamain ses gudogn l'onn passà. Cumpareglià cun l'onn avant è quel creschì per il traidubel.
Uschia ha Novartis ha fatg in gudogn net da tut en tut 24 milliardas dollars – Suenter 8,1 milliardas l'onn avant. Quai ha communitgà il concern da farmazia. Sulet la vendita da la participaziun da la concurrenta Roche ha purtà 14,6 milliardas. La svieuta ha Novartis pudì augmentar l'onn passà sin radund 51,6 milliardas dollars.