Siglir tar il cuntegn
Inhalt

Svizra Cifras cotschnischmas: SNB fa in minus da 12,9 milliardas

La Banca naziunala svizra SNB è glischnada il terz quartal dal 2018 cun in minus da 12, milliardas profundamain en las cifras cotschnas. Quai rapportescha l'agentura da novitads SDA.

Purtret banca naziunala Svizra
Legenda: Da las cifras nairas en las cifras cotschnas - banca naziunala svizra. Keystone

L'aur ed ils raps esters, che la Banca naziunala Svizra SNB posseda, han pers valur: Perquai, sco «consequenza da las valitaziun da sias posiziuns da devisas estras e sin ils effectivs d'aur» è la Banca naziunala Svizra SNB ruschnada profundamain en las cifras cotschnas. En il terz quartal noda ella ins sperdita da 13,9 milliardas francs.

Fin il cumenzament dal zercladur 2018 era anc tut en urden: Fin lura aveva la SNB fatg in gudogn da 5,1 milliardas francs. Uss è la situaziun sa midada: Cun las cifras actualas resulta per ils emprims 9 mais da l'onn ina perdita da 7,8 milliardas francs.

La SDA terminescha ses rapport cun l'annunzia da la SNB, che ses resultat dependia dal svilup dals martgads dad aur, devisas e chapital. Variaziuns fermas sajan la regla e da concluder dad ellas il resultat annual betg propi pussaivel.

RR novitads 08:00