En stizuns, centers da cumpra ed da martgads saja il risico da s'infectar augmentà, ha declerà la presidenta da la regenza chantunala Silvia Steiner (PCD) ad ina conferenza a pressa. Las mascras fetschian endament ad ins ch'il virus saja anc adina qua.
Restaurants ston en avegnir nudar las datas da contact da lur giasts. En l'intern serrà da clubs pon anc entrar maximal 100 persunas. Sin l'entir areal da clubs maximal 300 persunas.
Las cifras da corona en il chantun Turitg èn l'ultim temp puspè s'augmentadas marcantamain. Enfin uss ha il chantun betg vulì rinforzar las mesiras encunter il coronavirus.