Cifras da quartal - Dapli taxas e dapli premias per Swiss Life

Il concern d’assicuranzas Swiss Life ha incassà l’emprim quartal da l’onn dapli premias e taxas che durant la medema perioda da l’onn passà. Dal schaner fin il mars sajan las premias bruttas s’augmentadas per 1 pertschient sin 6,9 milliardas francs. Las entradas da taxas sajan s’augmentadas per 10 pertschient sin 579 milliuns francs. Quai ha communitgà l’assicurader da vita cun sedia a Turitg. Indicaziuns davart il resultat na fa Swiss Life sco usità anc betg suenter l’emprim quartal da l’onn.