Il concern da telecommunicaziun Sunrise UPC ha fatg dapli svieuta e gudogn l’emprim quartal da l’onn. La svieuta saja s’augmentada dal schaner fin il mars per 1 pertschient sin bunamain 759 milliuns francs. Il gudogn sin stgalim EBITDA saja s’augmentà per 10 pertschient sin 278 milliuns francs. Quai ha communitgà il segund grond concern da telecommunicaziun en Svizra.
La dumonda per nossas purschidas è vinavant solida
Sunrise haja tranter auter vendì dapli abunaments da telefonins, cunzunt a clients da fatschenta. La è la svieuta s'augmentada per 10%. Er tar la telefonia mobila è quella creschida per 3,6%. Dentant hajan els pers clients da rait fixa - numnadamain per 5%. Las prognosas per l’entir onn da fatschenta restian optimisticas.