Siglir tar il cuntegn

Header

cuntegn

Cifras e fatgs 30 fin 45 assagls da banca ad onn

L’assagl da banca da gievgia en la sedia principala da la Banca chantunala a Cuira n'è betg stà il sulet assagl ils ultims onns. Gia la stad dal 2019 ha in rapinader engulà plirs milli francs en la banca Cler a Cuira. E per in pulit resun medial han er procurà ils assagls sin las filialas da la banca Raiffeisen a Tusaun ed a Trimmis dals onns 2012 e 2013.

Betg adina cun success

Sco il rapinader da la banca Chantunala a Cuira vegnan la maioritad dals laders tschiffads da la polizia. Cifras dal chantun Son Gagl dian che 6 da 10 laders vegnan tschiffads, en Germania ins quinta da preschent schizunt cun ina quota da 70%.

Las summas da delict èn vegnidas pli pitschnas

Ils temp dad aur dals assagls da banca èn stads ils onns 70, 80 e 90. Alura vegniva pajà anc bler dapli en bar e per consequenza avevan las bancas er dapli daners en las filialas. Fertant ch'igl è vegnì engulà durant ils ultims onns en il Grischun, daners en l’autezza da plirs milli u dieschmilli francs, eran quai en ils onns 80 savens summas da 100’000 francs e dapli.

RTR actualitad 17:00

Artitgels legids il pli savens

Scrollar a sanestra Scrollar a dretga