Siglir tar il cuntegn

Header

cuntegn

Cifras per l'emprim quartal La Posta svizra dublegia ses gudogn

L'emprim quartal da l'onn 2024 ha la Posta Svizra pudì dublegiar ses gudogn sin bunamain 84 milliuns francs. Il resultad da gestiun muntia ad 87 milliuns francs. Quai correspundia a 17 milliuns dapli che l'emprim quartal da l'onn passà, scriva la posta. La svieuta è s'augmentada per passa 150 milliuns sin 1,92 milliardas francs, La Posta svizra po preschentar questas cifras positivas suenter dus onns cun regress.

Problems restan

Ils problems enconuschents restan però era il cumenzament dal 2024. La tendenza ch'i vegn tramess pli paucas brevs e pli paucs pachets cuntinuescha. La posta noda in minus da 5,6 per tschient tar las brevs tramessas ed in minus da 6,2 per tschient tar ils pachets tramess. Era ils pajaments al spurtegl èn sa reducids vinavant.

Ambient resta malsegir

Malgrà las cifras positivas dals emprims trais mais da quest onn, na po la Posta svizra betg far ina prognosa per tut l'onn 2024. La situaziun malsegira als martgads da finanzas ed en il sectur da logistica na lubeschian betg quai.

RTR novitads 12:00

Artitgels legids il pli savens