Siglir tar il cuntegn

Header

cuntegn

Cifras sa sbassan Daplirs che pensà han sa laschà vaccinar

Dapli persunas che spetgà han sa laschà vaccinar fin uss en Svizra. Quai ha il minister da sanadad, Alain Berset ditg da sia visita ad Altdorf en il chantun Uri.

Tar la populaziun vulnerabla avev'el quintà cun ina rata da vaccinaziun da 75% e tar il rest da la populaziun cun radund 60%. Questas finamiras duain vegnir cuntanschidas. Cun 80% tar las gruppas da ristg, hajan ins schizunt surpassà la finamira.

Berset quinta che la gronda part da la populaziun saja vaccinada l'entschatta avust. Per questa fin d'emna ha el plinavant annunzià in milliun dosas supplementaras.

Cifras da corona sa sbassan

En Svizra sa sbassan las cifras da corona. Per la segunda giada en fila annunzia l'Uffizi federal per sanadad, damain che 1'000 infecziuns novas. Quai èn uschè paucas, sco dapi l'october betg pli.

Cuntrari guarda quai ora en il chantun Appenzell Dadens, nua che las cifras èn proporziunalmain bler pli autas, cumpareglià cun il rest da la Svizra. Ils davos dis hai dà en tut 60 enfin 100 novs cas. Per cumparegliar: Il Grischun ha annunzià mesemna 7 e gievgia 24 novs cas. L'Appenzell Dadens ha bun 16'000 abitantas ed abitants, fertant ch'il Grischun ha prest 200'000.

Il vice-medi chantunal da l'Appenzell Dadens, Markus Schmidli, declera ch'igl haja dà sur Tschuncaisma blers champs d'uffants. Quai sajan stads hotspots:

audio
Markus Schmidli: «Vegnì èsi sur ils giuvens – uss vai vinavant cun ils geniturs»
ord RTR Audio dals 27.05.2021.
laschar ir. Durada: 19 Secundas.

Tenor il chantun n'han els betg prendì mesiras spezialas, ma pliras scolaras e scolars sajan en quarantina.

RTR novitads 17:00

Artitgels legids il pli savens