Radund trais quarts da la populaziun svizra abiteschan en las 49 aglomeraziuns e lur citads. Passa 72,6% da las plazzas sa chattan er là. Il 1950 devi en Svizra be mez uschè bleras aglomeraziuns e radund 45% da la populaziun viveva en questas. L'aglomeraziun da Turitg suletta, porscha lavur ad in sisavel da la populaziun.
Cun las aglomeraziuns ch'èn creschidas èn natiralmain er vegnidas bajegiadas dapli abitaziuns ed igl ha dà dapli plazzas da lavur. Per porscher in suttetg a las 6,2 milliuns abitantas ed abitants, datti radund 3,2 milliuns abitaziuns. Quai èn 70,7% da las abitaziuns en Svizra. Las aglomeraziuns ch'èn creschidas il pli ferm èn quellas da Turitg, Genevra e Basilea. Remartgabel saja sur tut ch'i saja vegnì bajegià dal 2000 fin il 2017 en las 5 pli grondas aglomeraziuns tantas abitaziuns sco en l'entir rest da la Svizra.
Ord l'archiv:
Durant la crisa da corona èn las vias en las citads grondas dal mund stadas vidas. Ma las vias han procurà per bels purtrets da citads vidas enturn il mund.
