Siglir tar il cuntegn

Svizra Citads grondas èn dominadas da giuvens

Las citads grondas en Svizra vegnan adina pli giuvnas.

Giuvens.
Legenda: Cunzunt las citads pli grondas tiran ils giuvens. Keystone

Uschè differentas sco las citads svizras sezzas, èn era ses abitants: en las grondas citads svizras è la populaziun dominada da giuvens creschids, en citads pli pitschnas datti dentant tants tegnairchasas sco nagliur ed en las vischnancas d'aglomeraziun è il cumpart dad esters il pli aut. Quai resulta da la «statistica da citads svizras 2018» da l'Uffizi federal.

Uschia fan è en citads grondas dapli che mintga terza persuna tranter 20 e 39 onns. Via sur l'entira svizra èn quai mo 27%. En citads e vischnancas cun damai che 100'000 abitants furman dentant persunas tranter 40 e 64 la pli gronda gruppa.

Dapli esters che svizzers en tscherts lieus d'aglomeraziun

Ed er quai che pertutga la derivanza datti tschertas tendenzas. Uschia vivan 60% dals esters en citads ed ina terza part da quels en las citads grondas.

Il pli grond cumpart da persunas estras datti dumbra dentant l'aglomeraziun. Uschia datti vischnancas en l'aglomeraziun che dumbran dapli esters che Svizzers. Quai per exempel a Kreuzlingen (54,6%), a Renens (51,1%) u a Spreitenbach (50,4%).

RR novitads 12:00