Siglir tar il cuntegn

Header

Navigaziun

cuntegn

Clima Cussegl federal vul betg scumandar sgols aifer la Svizra

I duai era dar en il futur sgols regulars tranter eroports en Svizra. Cussegl federal è cunter scumandar sgols aifer la Svizra. El propona al parlament da refusar propostas da las cusseglieras naziunalas Samira Marti da la PS e Lisa Mazzone dals Verds.

Samira Marti «Els tutgan scumandads»

Il davos onn èn var 700'000 persunas sgulads entaifer la Svizra, radund 600'000 persunas da Genevra a Turtig. En vista a la midada dal clima vesan quellas ils sgols en la pitschna Svizra, nua ch'era las colliaziuns da tren sajan fitg bunas, sco totalmain betg necessaris.

Effect cuntrari

Tenor il Cussegl federal midan 85 pertschient dals passaschiers dals sgols aifer la Svizra sin auters sgols. E quels duvrassan tar in scumond lura simplamain in eroport en l'exteriur per midar. ins na possia era betg sclauder che tar in scumond da la colliaziun Lugano a Turitg autras societads aviaticas offreschan il sgol sur autras paleras che Turitg.

RR novitads 16:00