L'emprim ha il cumin da glaruna decidì d'introducir in traffic public cun ina vasta offerta. Mintga vitg dal chantun duai esser collià cun tren u bus. Senza pigliar resguard sin ils custs. La regenza aveva proponì da tegnair en egl l'aspect economic. Suenter han ils Glarunais e las Glarunaisas fatg midadas vi da la lescha d'energia, quai a favur dal clima ed auter che la regenza ed il parlament avevan proponì.
Las decisiuns tar ils singuls puncts èn stadas stretgas. Uschia tar la regla che bajetgs novs ston cuvrir en avegnir lur basegn da chalira cumplettamain senza emissiuns da CO2, ord ieli e gas. La lescha d'energia pli severa ha il cumin da Glaruna la finala approvà cun fitg gronda maioritad. Igl è stà l'emprim cumin dapi dus onns e mez.
