2022 è stà la segund pli chauda stad en l'istorgia. Il Club Alpin Svizzer ha gì plain las chamonas. Las organisaziuns da salvament n'han dentant betg gì dapli da far che durant auters onns, rapporta il CAS. En tut hai dà 3'668 situaziuns d'urgenza en ils culms.
En il detagl datti percunter differenzas cun auters onns:
- pli bler persunas èn vegnidas en grevas situaziuns, cunzunt durant turas da skis (2020: 26, 2021: 67, 2022: 122) e raiver (91 il 2022)
- sin glatschers èn dapli persunas dadas en sfessas da glatschers, ch'èn stadas libras perquai ch'igl ha gì pli pauca naiv
- en il sport alpin «classic» èn 87 umens e 22 dunnas sa disgraziadas, quai èn in zic pli pauc ch'il 2021 cun 131 accidents mortals totalmain.
16 dals accidents mortals èn capitads en il Grischun. La vasta maioritad dals accidents mortals èn crudadas (79 il 2022), i suondan sutterradas tras lavinas (16).
Il pli bler è la Rega stada a salvar. Er il Salvament alpin svizzer è stà pli che milli giadas en acziun, en il rest dals cas han ulteriuras organisaziuns gidà alpinists ed alpinistas en miseria.