Tar sia emprima visita en Svizra è il nov president austriac Alexander Van der Bellen s'inscuntrà a Berna cun la presidenta da la confederaziun Doris Leuthard. Omadus han ludà las relaziuns stretgas e plain confidenza tranter la Svizra e l'Austria.
Il president austriac ha era ditg, ch'el giavischia ina relaziun sco cun la Svizra era cun auters pajais vischinants. En in temp ch'i dettia uschè bler conflicts e malsegirtads saja il barat tranter dus pajais neutrals e stabils extrem impurtant.
Sport, relaziuns bilateralas e migraziun
Era il campiunadi mundial saja stà tema: «L'Austria po cuir a la Svizra mintga medaglia», ha Van der Bellen ditg envers la pressa. Ils Svizzers han fin uss dapli medaglias che l'Austria.
Ils Campiunadis mundials n'èn anc betg vargàds.
Ins haja pia anc betg pers la speranza, ha il austriac agiuntà cun in surrir.
Dasper il sport e las relaziuns bilateralas han Leuthard e Van der Bellen era discurrì davart la Gronda Britannia che banduna l'UE e la situaziun da migraziun en l'Europa.
RR novitads 16:00