Siglir tar il cuntegn

Header

audio
Apparats da CO2 a chasa protegian strusch da Covid-19
Or da Actualitad dals 12.10.2021.
laschar ir. Durada: 2 minutas 23 Secundas.
cuntegn

Co e cum Apparats da mesirar il CO2 – cura fan els senn?

In apparat che mesira la qualitad da l'aria fa senn en stanzas serradas. Là nua che persunas stattan per in pli lung temp ensemen. En chasa pon ins desister d'in tal.

Cura che l'aria è «duvrada», pia cura ch'ella consista da bler CO2, avertescha l'apparat. El fa endament d'arvrir la fanestra u metter si pli fitg la ventilaziun, uschia fetschian ins vegnir pli satigl la concentraziun dal virus. Tras quai na saja betg pli usche simpel da s'infectar, di Roman Stocker. El è professur a la Scola politecnica federala.

I portia dentant betg bler da cumprar in apparat da mesirar CO2 per las atgnas quatter paraids, di Benoit Sicre, da la Scol'auta da Lucerna.

A chasa na vegna betg sa tegnì vid las reglas da distanza ed era betg purtà ina mascrina. La ristga da s'infectar sin quella moda è pli gronda.
Autur: Benoit Sicre expert per igiena interiura e tecnica d'edifizis

Nua ch'i fetschia dentant dapli senn, saja en stanzas serradas nua che persunas stettian per in pli lung temp ensemen. Sco exempels numna Roman Stocker da l'ETH stanzas da scola, biros, ustarias u centers da fitness.

Sto betg esser il pli char

Sch'ins sa decida da cumprar in tal apparat da mesirar il CO2 po quel custar tranter 50 e varga 1'000 francs. Benoit Sicre di, ch'ils models pli chars na sajan betg adina ils megliers. Blers buns apparats custian tranter 80 e 200 francs.

A chasa fai pauc senn

En mintga cas duess ins studegiar duas giadas sch'ins vul dar ora quels daners per in apparat – almain per l'atgna stiva. En stanzas da scola, ustarias u biros po quella moda e maniera da mesirar il CO2 dentant esser pli nizzaivla.

RTR Co e cum 11:15

Artitgels legids il pli savens