Siglir tar il cuntegn

Header

audio
Vaccinar durant temp liber u durant temp da lavur?
Or da Co e cum dals 20.05.2021.
laschar ir. Durada: 04:12 minutas.
cuntegn

Co e cum Laschar vaccinar durant il temp liber u durant la lavur?

En connex cun la pandemia datti adina puspè dumondas avertas. Sper las dumondas medicinalas èn quai savens er dumondas da dretg. Ina da quellas è: Ston ins laschar vaccinar cunter la pandemia sin donn e cust dal temp liber? Ina clera resposta na datti betg.

Tenor la lescha stoppia il patrun u la patruna dar liber las usitadas uras u dis per absenzas curtas u extraordinarias. Latiers tutgan tranter auter er termins tar ina media u in medi. Sco il magazin «Beobachter» scriva vinavant en il dossier davart dumondas da dretg da lavur, duain ins però fixar quels termins sche pussibel en il temp liber u a l'ur d'in servetsch da lavur. Insatge auter valia natiralmain per termins medicinals urgents.

Tge che quai munta concret per il termin da vaccinar, possian ins interpretar sin differentas modas, scriva il Beobachter. En il Grischun vegnia vitiers, ch'ins survegnia tut tenor a curta vista in termin. Il pli savens n'èsi betg pussibel da giavischar il termin che va a prà cun l'agenda persunala.

Paja per il temp dal termin da vaccinar?

La finala datti anc la dumonda, sch'ins è pajà per il temp ch'ins dovra per il termin da vaccinar. Tenor il «Beobachter» n'è er quella dumonda betg sclerida en la lescha. Per regla sajan talas absenzas pajadas per persunas ch'han ina paja dal mais, però betg per persunas ch'èn pajadas l'ura.

RTR actualitad 11:00

Artitgels legids il pli savens

Scrollar a sanestra Scrollar a dretga