Siglir tar il cuntegn

Header

audio
Novas cartas da debit mudregian fatschentas
Or da Co e cum dals 11.03.2021.
laschar ir. Durada: 02:36 minutas.
cuntegn

Co e cum Novas cartas da debit mudregian fatschentas

Las cartas da Maestro ni V-Pay vegnan remplazzadas entras novas cartas da debit. Ils custs per transacziuns creschan e quai ha consequenzas per las fatschentas e la finala er per il consument.

Sch'ina persuna paja en stizun cun la carta da Maestro ston il commerziant u la commerzianta pajar ina cumissiun. Per gronda part a la firma Worldline, ch'exequescha questas transacziuns. Per las cartas actualas è quai ina cumissiun da fix 26 raps. Da quai na profitan las bancas dentant betg, quai è scumandà. Cun las novas cartas da debit da Mastercard u Visa sa mida quai. Il commerziant u la commerzianta han da pajar tar quella da Mastercard ina cumissiun procentuala da 0,5% e tar quella da Visa schizunt 1%. E quai fa mal il venter cunzunt a fatschentas pitschnas.

Passa 4'000 francs dapli ad onn

Il coiffeur Heinz Rusch ha ditg envers il Kassensturz dad SRF ch'el quinta cun dapli custs. Prendì il cas che mintga clienta u vlient paja cun las novas cartas, quinta el cun custs supplementars da passa 4'000 francs ad onn. Quai è radund ina paja mensila d'in lavurer.

Tar cumpras pli grondas, per exempel tar ina televisiun da 2'600 francs sto il commerziant u la commerzianta pajar 13 francs cumissiun tar la carta da Mastercard e schizunt 26 francs tar quella da Visa. Pia 50 fin 100 giadas dapli ch'ils 26 raps fix ch'èn da pajar ussa. E la firma Wordline che fa las transacziuns ha uss er da pajar ina cumpart a las bancas, uschia pon lezzas er profitar.

La finala paja il consument

Tenor Ralf Beyeler, dal portal da cumparegliar Moneyland profiteschan uss Wordline e las bancas, perquai ch'ils custs da transacziun per els na creschan betg. Ils commerziants dentant han dapli custs e quels custs hajan la finala ils consuments da surprender, uschia Ralf Beyeler.

L'emissiun «Kassensturz» ha dumandà la firma Worldline, ella saja en contact cun il survegliader da pretschs. Ella saja vidlonder d'introducir ina limita – pia in viertgel da custs per transacziuns pli grondas.

RTR Co e Cum 11:15;

Artitgels legids il pli savens

Scrollar a sanestra Scrollar a dretga