Pasta da dents na vala numnadamain betg sco vivanda, mabain sco product da cosmetica. Tar la marca renumada «Trisa» datti dapi la fin dal 2021 sulettamain pasta da dents senza oxid da titan. La marca fa quai dentant voluntariamain. Era la Migros dovra questa substanza adina pli pauc, surtut tar l’atgna marca. Tar pasta da dents dad uffants desista Migros bainbaud cumplettamain sin oxid da titan. Ils grossists Coop, Aldi e Lidl conferman vers SRF-Espresso, ch’il tema saja fitg actual, ed ins porschia era pasta da dents senza oxid da titan. Tgi che vul far la segira e cumprar pasta da dents senza la substanza duai guardar sin las ingredienzas: oxid da titan ch'è declerà sin la tuba sco CI 77891.
Co e cum Oxid da titan en pasta da dents
Oxid da titan è ina substanza aditiva che procura che vivandas ubain products da cosmetia vesian ora alvs u glischant. En vivandas è la substanza dapi l’entschatta da l’onn scumandada. En products cosmetics dentant è oxid da titan anc adina lubì.
Parter
RTR Co e cum 11:15
Parter