Siglir tar il cuntegn

Header

cuntegn

Co e cum Visar la plazza durant lavur curta è pussaivel

Malgrà lavur curta n'è la plazza betg segira. Er durant lavur curta èsi pussaivel da visar la plazza u da survegnir la visada.

Lavur curta n'è nagina garanzia che tut las plazzas vegnan salvadas – er sche quai è la finamira da la lavur curta. Dentant er sut questa circumstanza dastga il patrun ed er la lavuranta ubain il lavurant visar la plazza, uschia l'experta da dretg da SRF, Gabriela Baumgartner. Sche la plazza vegn visada, lura crodan dentant ils daners per lavur curta – n'emporta betg sch'il patrun u la persuna sezza ha visà la plazza. Perquai ch'ils daners crodan po il patrun dentant pretender che la persuna ch'ha survegnì la visada u visà la plazza, lavura durant ils davos mais il temp da lavur ch'è fixà en il contract da lavur.

audio
Lavur curta n'è nagina garanzia che tut las plazzas vegnan salvadas
ord Co e cum dals 24.03.2021. Maletg: Keystone
laschar ir. Durada: 2 minutas 27 Secundas.

Daners da dischoccupaziun tenor paja avant lavur curta

Sch'ins na chatta nagina plazza e sto retrair daners da cassa da dischoccupaziun, lura survegn ins la cumpart dals daners tenor la paja ch'ins ha fixà en il contract avant la lavur curta. Sper quai èsi er probabel ch'ins survegn la paja cumplaina suenter la visada da la plazza, quai è dentant anc betg dal tut cler, cunquai ch'i na dat anc nagina sentenzia dal Tribunal federal, uschia Gabriela Baumgartner. Er sch'ins po pretender enavos la perdita da la paja durant la lavur curta n'è betg anc cler, er qua manca ina sentenzia.

RTR Co e cum 11:00

Artitgels legids il pli savens