Siglir tar il cuntegn

Svizra Co pon ins construir ina partiziun serrada per persunas dementas?

Il dumber da persunas cun demenza crescha. Perquai vegnan adina dapli chasas da tgira adattadas a standards per persunas cun ina tala malsogna.

Legenda: Guardar il video «Chasas da tgira: architectura speciala per partiziuns da demenza». Durada 2:29 minutas.
Dals 23.06.2016.

L'onn 2014 vivevan en il chantun Grischun passa 3’000 persunas cun demenza u ina furma sumeglianta a questa malsogna. L’Associaziun Alzheimer Grischun calculescha che questa cifra vegn a sa dublar fin l’onn 2035.

Legenda:
Persunas cun demenza en il chantun 2014 Associaziun Alzheimer Grischun

En il chantun Grischun vivan tenor l’Associaziun Alzheimer Grischun radund 1’500 persunas cun demenza a chasa, per regla cun sustegn da confamigliars. Ed en las chasas da tgira Grischunas èn passa la mesadad dals cussedents e las cussedentas pertutgads d'ina furma da demenza.

Uschè agreabel sco pussaivel

Damai che la cifra da persunas cun demenza crescha saja quai impurtant da porscher en las chasas da tgira ina plazza a questas persunas. L'architect Martin Bauer ha construì differentas partiziuns serradas per persunas cun demenza. Per exempel era quella da la chasa da tgira «Da Casa» a Vella. I saja impurtant da crear in ambient agreabel e confortabel per las persunas pertutgadas.

RR Actualitad 11:00