Siglir tar il cuntegn

Header

cuntegn

Co turnar en mintgadi? In urari speculativ

Oz suentermezdi infurmescha il Cussegl federal co la Svizra duai turnar en in mintgadi normal. Che quai duai succeder toc a toc è cler. Quant detaglià ch'il Cussegl federal tradescha ses urari per turnar en il mintgadi usità n'è però betg cler. Qua in urari speculativ.

Segir è, ch'i dat ina strategia en etappas. Quai ha il Cussegl federal ditg en ina da las ultimas conferenzas da pressa. Tenor speculaziuns pudessan quellas etappas guardar ora uschia:

  1. Servetschs ch'han da far direct cun persunas (p. ex. coiffeurs u fisioterapeuts) pudessan avrir ils 27 d'avrigl.
  2. Scolas pudessan avrir duas emnas pli tard, ils 11 da matg.
  3. Bars e restaurants stuessan spetgar il pli ditg d'avrir, numnadamain enfin ils 8 da zercladur.

Uschia duai il plan dad Alain Berset vesair ora, almain tenor las speculaziuns da gasettas. Vitiers vegn che Berset na decida betg persul. L'entir Cussegl federal sto vegnir perina.

audio
Prevista sin conferenza da pressa dal Cussegl federal
ord Actualitad dals 16.04.2020.
laschar ir. Durada: 5 minutas 16 Secundas.

Far la segira

Ins po ir da quai anora ch'il Cussegl federal schlucca las mesiras plitost pli plaun che memia spert. Pertge, el vul evitar da schluccar las restricziuns e silsuenter puspè stuair far valair quellas. Sco experts han er explitgà pliras giadas na turna il mintgadi normal anc betg il matg. Uschia vegni anc a cuzzar mais enfin che nus avain puspè la vita che nus enconuschevan avant la crisa.

RTR rapporta

Il Cussegl federal infurmescha tard il suentermezdi la populaziun. Il temp exact da la conferenza da pressa n'è anc betg enconuschent.

RTR actualitad 12:00

Artitgels legids il pli savens