Siglir tar il cuntegn

Header

cuntegn

Svizra Co tut è succedì tar las elecziuns da l'Assamblea federala

Il ticker è a fin

  • 12:00

    Quai fissi stà …

    … dal ticker live da las elecziuns da l'Assamblea federala, che

    • ha dà cumià a Doris Leuthard e Johann Schneider-Amman,
    • ha elegì danov en il Cussegl federal Viola Amherd e Karin Keller-Sutter ed
    • ha elegì Ueli Maurer president 2019 e Simonetta Sommaruga vicepresidenta 2019.

    Dapli reacziuns, rapports, analisas e valitaziuns pudais tadlar en il Radio Rumantsch, guardar en il Telesguard e leger qua sin rtr.ch.

    chasa federala
    Legenda: SRF
  • 11:48

    Vicepresidenta 2019 è Simonetta Sommaruga

    Era senza surpraisas è vegnida elegida Simonetta Sommaruga sco vicepresidenta dal Cussegl federal 2019. Era ella era vegnida proponida da la fracziun socialdemocratica, e tut las fracziuns l'han sustegnida. La finala è ella elegida cun 196 da 216 vuschs valaivlas.

    simonetta sommaruga
    Legenda: Keystone
  • 11:35

    Ueli Maurer presidiescha il Cussegl federal 2019

    L'Assamblea federala ha era anc gì d'eleger il president da la Confederaziun 2019. La Partida populara svizra ha proponì il cusseglier federal Ueli Maurer, e tut las partidas han sustegnì sia elecziun. Uschia ha Maurer survegnì 201 da 209 vuschs valaivlas.

    ueli maurer
    Legenda: Keystone
  • 11:13

    Bain sco spetgà – però tuttina cun surpraisas …

    Era sche las favuritas Viola Amherd e Karin Keller-Sutter èn vegnidas elegidas, hai dà surpraisas. Il fatg ch'omaduas èn elegidas gist en l'emprim scrutini è surprendent:

    • Viola Amherd (148 da 240 vuschs valaivlas)
    • Karin Keller-Sutter (154 da 237 vuschs valaivlas).
    Viola Amherd e Karin Keller-Sutter
    Legenda: Las cusseglieras federalas nov-elegidas Viola Amherd (PCD, VS) e Karin Keller-Sutter (PLD, SG). Keystone
  • 11:01

    Reacziuns «grischunas» sin l'elecziun da Karin Keller-Sutter

    Il cusseglier dals chantuns Stefan Engler, ils cussegliers naziunals Heinz Brand e Martin Candinas.

    audio
    Emprimas reacziuns da parlamentaris grischuns sin l'elecziun da Karin Keller-Sutter
    00:45 min, Actualitad dals 05.12.2018.
    abspielen. Laufzeit 00:45 Minuten.
  • 10:46

    Reacziuns «grischunas» sin l'elecziun da Viola Amherd

    Il cusseglier dals chantuns Stefan Engler, ils cussegliers naziunals Martin Candinas e Heinz Brand.

    audio
    Emprimas reacziuns da parlamentaris grischuns sin l'elecziun da Viola Amherd
    00:58 min, Actualitad dals 05.12.2018.
    abspielen. Laufzeit 00:58 Minuten.
  • 10:37

    Il nov Cussegl federal

    foto da gruppa
    Legenda: Il Cussegl federal en la nova constellaziun (da san.): Alain Berset (president), Ueli Maurer, Simonetta Sommaruga, Guy Parmelin, Ignazio Cassis, Viola Amherd e Karin Keller-Sutter. Dasperas il chancelier federal Walter Thurnherr. Keystone
  • 10:13

    La saramentaziun

    la saramentaziun
    Legenda: Las cusseglieras federalas novas Viola Amherd (PCD, VS) e Karin Keller-Sutter (PLD, SG) èn vegnidas saramentadas avant l'Assamblea federala. Keystone
  • 10:07

    Karin Keller-Sutter accepta l'elecziun

    Karin Keller-Sutter engrazia avant l'Assamblea federala per la confidenza e supplitgescha tuts d'accumpagnar ella criticamain. Ella surpiglia quest uffizi cun il pli grond respect per l'incumbensa. Per ademplir quai pretenda ella il dialog sin tut ils nivels.

    audio
    Era Karin Keller-Sutter engrazia pluriling
    00:11 min, Actualitad dals 05.12.2018.
    abspielen. Laufzeit 00:11 Minuten.
  • 9:58

    Elegida è … Karin Keller-Sutter

    Era en l'emprim scrutini è elegida Karin Keller-Sutter en il Cussegl federal sco successura da Johann Schneider-Ammann. Quai cun 154 vuschs tar in pli absolut da 119.

  • 9:50

    Gia tar il proxim …

    Ussa vai per eleger la successiun per il cusseglier federal Johann Schneider-Ammann. Qua sa decidi tranter la cussegliera dals chantuns Karin Keller-Sutter ed il cusseglier dals chantuns Hans Wicki. Favurisà cler vegn Karin Keller-Sutter.

    duas candidatAs
    Legenda: Senza candidatura «selvadia» sa decidi ussa tranter il cusseglier dals chantuns Hans Wicki (PLD, NW) e la cussegliera dals chantuns Karin Keller-Sutter (PLD, SG). Keystone
  • 9:49

    Grond plaschair tar la PCD

    La PCD haja candidà cun duas fitg fermas candidatas, di il cusseglier naziunal grischun Martin Candinas. Sco grond success taxescha el il fatg che Viola Amherd ha cuntanschì il pli absolut gia en l'emprim scrutini.

    martin candinas
    Legenda: RTR, Valentin Schmed
  • 9:43

    Viola Amherd accepta l'elecziun

    Avant da declerar d'acceptar l'elecziun engrazia Viola Amherd a l'Assamblea per la confidenza, ed a la cuntracandidata Heidi Z'graggen (60 vuschs) per la campagna electorala faira. Ella veglia servir a ses stadi, ha declerà Viola Amherd.

    audio
    Viola Amherd engrazia pluriling
    00:14 min, Actualitad dals 05.12.2018.
    abspielen. Laufzeit 00:14 Minuten.
  • 9:20

    Elegida è … Viola Amherd

    Surprendentamain gia en l'emprim scrutini è elegida la vallesana Viola Amherd che succeda a Doris Leuthard. Quai cun 148 vuschs tar in pli absolut da 121 vuschs.

  • 9:06

    E gia l'emprim scrutini

    Suenter il pled dal schef da la fracziun da la PCD Filippo Lombardi è gia suandà l'emprim scrutini. Lombardi ha suttastritgà anc ina giada las candidaturas da Heidi Z'graggen e Viola Amherd. Actualmain vegni dumbrà.

    dumbravusch
    Legenda: RTR, Selina Chistell
  • 8:59

    Ussa cumenzi...

    Il Cussegl federal ha bandunà la sala e las elecziuns cumenzan – il pli emprim cun ils pleds da las fracziuns areguard las elecziuns. Per il pli cun mussar colur e recumandar candidatas e candidats.

    sala dal cussegl naziunal
    Legenda: Keystone
  • 8:56

    «Pussibilitar dapli e scumandar damain»

    Cun umor ha Johann Schneider-Ammann fatg ses pled da cumià. I saja bel da star avant l'assamblea senza pretender insatge e spetgar sin ils puncts da votaziuns. Da l'autra vart ha Schneider-Ammann punctuà l'impurtanza da l'occupaziun, la furmaziun e la perscrutaziun. I saja da pussibilitar dapli e scumandar damain. Ed era el ha engrazià a sia famiglia per il sustegn, senza il qual el n'avess betg pudì s'engaschar.

    audio
    Johann Schneider-Ammann cun umor
    00:20 min, Actualitad dals 05.12.2018.
    abspielen. Laufzeit 00:20 Minuten.
  • 8:43

    Ussa vegn undrà e prendì cumià da Johann Schneider-Ammann

    La presidenta dal Cussegl naziunal undrescha il cusseglier federal Johann Schneider-Ammann. El saja stà in minister d'economia publica fitg engaschà ed in grond promotur da la furmaziun professiunala en Svizra – quai per dar perspectivas a la giuventetgna. In sistem che tiria l'attenziun era dad auters stadis. Era per Schneider-Ammann è l'entira sala stada en pe per applaudir.

  • 8:36

    Valurs democraticas «für die Schweiz, pour la Suisse, per la Svizra, per la Svizzera»

    En ses pled da cumià ha Doris Leuthard appellà ad ina buna cultura da debatta en il parlament ed ha punctuà las valurs democraticas. Ella è era repassada ils dossiers impurtants sco la cunvegna da basa cun l'Uniun europeica, nua ch'il temp tentia. Finì ha Leuthard cun engraziar er a la glieud davos las culissas – dals ortulans fin tar las persunalitads en la cafetaria. Il pli fitg ha ella però engrazià a ses um.

    audio
    Ils ultims giavischs da Doris Leuthard
    00:17 min, Actualitad dals 05.12.2018.
    abspielen. Laufzeit 00:17 Minuten.
  • 8:21

    «Cussegliera federala dals cors»

    La presidenta dal Cussegl naziunal Marina Carobbio ha dà cumià a la cussegliera federala partenta Doris Leuthard. Quai cun punctuar sia rolla tar il project dal tunnel da basa dal Gottard, però era cun numnar e suttastritgar che Leuthard saja adina stada buna en ils dossiers. Ella saja ina «Grande Dame». L'Assamblea federala ha undrà la cussegliera federala partenta cun standing ovation.

RR live 08:00