Siglir tar il cuntegn
Inhalt

Svizra Co vesan Ils umens Grischuns en il parlament l'egualitad da paja

L'egualitad da paja è beneventada tar ils 3 umens en il Cussegl naziunal. Dentant sch'i dovra mesiras u betg sparta Duri Campell, Martin Candinas e Heinz Brand.

Legende: Video Cura esser pli gugent ina dunna? abspielen. Laufzeit 01:42 Minuten.
Or da RTR dals 24.09.2018.

Il cristiandemocrat Martin Candinas ed il burgaisdemocrat Duri Campell beneventeschan da far analisas da pajas tar firmas che han dapli che 100 collavuraturas e collavuraturs. Dentant refuseschan els la proposta dal Cussegl federal che vul analisas da paja dar firmas cun pli che 50 collavuraturas e collavuraturs. Tuttas dus propostas refusa il Cusseglier naziunal dal PPS Heinz Brand. Quai saja chaussa da las firmas sezzas. Il stadi na duai betg intervegnir di Brand.

Unanimamain èn tuts trais da l'avis che l'egualitad da las pajas sto dentant vegnir discutada. Egualitad tranter um e dunna dovri dapertut din els - Per ils ins cun mesiras e per ils auters senza.

Emrimas decisiuns fatgas

Il Cussegl naziunal beneventa mesiras cunter la discriminaziun da paja. El ha decis da lantschar in project da lescha correspundent. Quai cun 107 cunter 85 vuschs, cun duas abstenziuns. Cunzunt ils politichers da la Partida populara svizra e da la Partida liberaldemocratica svizra èn stads cunter.

Ils aderents han fatg attent al fatg che l'egualitad dad um e dunna saja francada en la Constituziun dapi il 1981. Latiers tutgia er l'egualitad da paja che pretenda la medema paja per um e dunna. Grondas interpresas duain esser obligadas da controllar, sche umens e dunnas gudognan tuttina bler. La consultaziun dals detagls terminescha il Cussegl naziunal il mardi.

Paucas interpresas pertutgadas

Il Cussegl federal aveva proponì che interpresas cun 50 emploiads sajan pertutgadas da talas controllas. Lura fissan radund 54% da tut ils lavurants pertutgads. Il Cussegl dals chantuns è s'exprimì per interpresas cun 100 e dapli emploiads, tge che correspundess a 45% da tut ils lavurants. Quai èn 0.85% da tut las firmas svizras. Il Cussegl naziunal vul però che anc pli paucas pajas vegnissan controlladas. Quai cun restrenscher las controllas sin plazzas cumplainas.

RR novitads 18:00