Siglir tar il cuntegn
Inhalt

Svizra Coaliziun crititgescha cunvegna da commerzi liber cun Mercosur

Per la cunvegna da commerzi liber cun ils stadis da Mercosur datti critica. Ina coaliziun dad organisaziuns da consuments, protecziun dad animals e svilup sco era uniuns purilas da la svizra vulan mo la cunvegna, sche las cundiziuns da persistenza vegnan tegnidas en. La Confederaziun duai analisar.

martgà da verdura, ina dunna pachetescha rebas en in satget
Legenda: Tar ils stadis da Mercosur tutgan la Brasilia, l’Argentina, l’Uruguai ed il Paraguai. Keystone

La coaliziun na saja en sasez betg encunter la cunvegna da commerzi liber cun ils stadis da Mercosur. Ella scriva che las leschas d’ambient e protecziun dad animals sajan tar ils stadis da Mercosur pli luccas congualà cun la Svizra. Ed era mettia la cunvegna sut squitsch la natira e las famiglias da purs. Perquai pretendan els obligaziuns persistentas liantas en la cunvegna, inclusiv la pussibilitad da sancziuns. La Confederaziun duai analisar la situaziun, pretenda la coaliziun.

Tar ils stadis da Mercosur tutgan: La Brasilia, l’Argentina, l’Uruguai ed il Paraguai. La Svizra è il mument vid negoziar cun quests stadis ina cunvegna da commerzi liber.

RR novitads 12:00