Siglir tar il cuntegn

Header

cuntegn

Svizra Cocktails da tissi: Sche legums èn nauschs per la sanadad

Legums che vegnan importads da l'Asia en Svizra cuntegnian anc adina fitg autas restanzas da pesticids, ha constatà l'Uffizi federal per mangiativas e fatgs da veterinari l’onn passà tar sias controllas.

Cun quai che las controllas da legums asiats avevan mussà adina puspè valurs da pesticids donnegiusas, ha l’Uffizi federal per mangiativas e fatgs da veterinari laschà controllar l’onn passà danovamain ils imports da l’Asia.

Veritabels cocktails da tissi en legums importads

Quels han mussà danovamain, che legums da l’Asia pon cuntegnair veritabels cocktails da tissi. Las controllas han mussà, che radund mintga terza prova era contaminada cun memia blers pesticids u nitrats. Las provas eran vegnidas prendidas als eroports da Genevra e Turitg.

Surtut legums da Vietnam e Tailanda en critica

Tar las provas haja dà perfin duas cun feglia da coriander u chili talmain contaminà, ch’ellas sajan stadas donnegiusas per la sanadad. La gronda part da las reclamaziuns hai dà pervia da products ord il Vietnam e la Tailanda.

In’ulteriura examinaziun dal labor chantunal a Berna ha confermà las valurs nauschas per ils legums.

RR novitads 14:00

Artitgels legids il pli savens