Ils collavuraturs da l'elevatura da metal SFS Group a Son Gagl ston lavurar en l'avegnir 44 uras l'emna pervi dal ferm franc svizzer. Quai sajan duas uras dapli ch'enfin qua communitgescha il concern.
Plinavant vegnian las vacanzas scursanidas da 6 sin 5 emnas ed i vegnia introducì in stop d’occupar persunal nov. La direcziun dal concern desistia en pli da 10% da sia paja.
Transferir producziun a l’exteriur
Gia il schaner aveva la SFS Group annunzià da transferir a l'exteriur tschertas producziuns, quai pli spert che planisà.