Siglir tar il cuntegn

Header

Video
Andreas Meyer «Il mument sa cunfa fitg bain»
Or da News-Clip dals 23.11.2019.
laschar ir
cuntegn

Collavuraziun sur cunfin SBB schlargia purschida dal traffic da viafier internaziunal

  • La SBB e societads da viafier dals pajais vischins schlargian purschida dal traffic da viafier en Europa.
  • La viafier da la Germania (DB), la viafier statala da la Frantscha SNCF e la viafier statala da l'Italia Trenitalia vulan ensemen cun las Viafiers federalas svizras SBB schlargiar considerablamain las capacitads sin las lingias principalas.
  • La mira communabla è d'augmentar la colliaziun da la circulaziun da persunas e da reducir il temp da viadi.

Viagiar cun il tren en l'exteriur è en moda

10 pertschient dapli viadis en l'exteriur haja la clientella cumprà ils emprims nov mais da quest onn, quai cumpareglià cun l'onn avant. Quai scriva la SBB. E quai saja ina da las raschuns per augmentar la purschida en l'Europa.

Dapli capacitad per trens

En il traffic en Germania viagian clients da Cuira a Turitg gia davent dal december 2019 cun il tren ICE 4 da la pli nova generaziun da la DB. Quest tren porscha a la clientella WLAN gratuit, On-Bord portal da divertiment sco en l'emprima classa in portal d'in servetsch al plaz e gasettas gratuitas.

Era gia davent dal december 2019 curseschan sin il traject da Turitg, Losanna e Genevra a Paris totalmain renovads vaguns a dus plauns TGV.

Sin il traject dal Gottard vegn davent il december a cursar il nov tren Giruno a Lugano/Chiasso. Davent da la primavaira vegn quest tren pass a pass a cursar fin a Milaun.

RTR novitads 12:00