Siglir tar il cuntegn
Inhalt

Svizra Colliaziun Genevra-Cornavin - Annemasse sin buna via

La rait da viafier en la regiun da Losanna e Genevra sur la citad d’Annemasse en Frantscha è in pass vinavant. Suenter il Cussegl naziunal ha uss era il Cussegl dals chantuns ditg gea a la cunvegna tranter la Frantscha e la Svizra.

La staziun da Genevra-Cornavin l'onn 2002.
Legenda: Da la staziun Genevra-Cornavin duain ils trens partir en direcziun d'Annemasse, e vinavant a Losanna. Keystone

Per colliar Genevra-Cornavin cun Annemasse (F) dovri en Svizra lingias da viafier novas sur 14 kilometers. La Frantscha construescha ils 2 kilometers supplementars enfin la staziun d'Annemasse. Plinavant vegnan bajegiadas 4 staziuns novas. 2 staziuns existentas vegnan renovadas. Ils custs totals per la vart svizra muntan a 1,56 milliardas francs.

Colliaziun pertutga blers

Questa colliaziun saja impurtanta per che trens svizzers hajan access a la staziun d'Annemasse, ha ditg il pledader da cumissiun René Imoberdorf (PPS/VS). Il tschancun tranter la Svizra e la Frantscha cumplettescha uschia la rait da viafier en la regiun da Losanna fin Evian - ina regiun cun radund 1 milliun abitants.

RR novitads 14:00