Siglir tar il cuntegn

Header

cuntegn

Svizra Colliaziuns directas quotidianas Turitg - Venezia

Davent dal december 2017, cun la midada d'urari da tren, duai mintga di dar ina colliaziun directa tranter Turitg e Venezia. A quai èn sa cunvegnids il schef da las viafiers talianas Renato Mazzoncini ed il schef da las viafiers federalas Andreas Meyer.

Gia davent il zercladur duai dar las fins d'emna in tren tranter las duas citads. Ultra da quai saja planisà davent da l'auter onn ina colliaziun directa da trens da eurocity tranter Frankfurt e Milaun via Basilea.

Ils dus schefs da las viafiers han però era accentuà ch'i dovria anc sforz pertutgant la punctualitad dals trens tranter la Svizra e l'Italia.

RR novitads 18:00

Artitgels legids il pli savens