Svizra - Collisiun da tren ad Erstfeld - traffic da viafier è bloccà
La colliaziun da tren tranter la Svizra tudestga ed il Tessin è interrutta. Curt suenter mesanotg èn 2 trens da martganzia collidads da manaivel da la staziun dad Erstfeld.
Nagin n'è vegnì blessà, quai ha ditg in pledader da las Viafiers federalas. Da la collisiun laterala èn plirs vaguns ids sur ils binaris ora. Ils binaris èn vegnids donnegiads. Ins haja fatg reparaturas l'entira notg. Quant ditg ch'il disturbi cuzza na san ins anc betg.
A quels che vulan ir vers l'Italia recumonda la SBB da viagiar sur Berna e Brig.
