Sin la via dal Pass dal Gottard, al portal nord dal tunnel Fieud hai dà ier saira a las 22:40 in grev accident. Tut las sis persunas, ch'eran en ils dus autos involvids, sajan grevamain blessadas ed ospitalisadas. Duas persunas sa chattan en privel da vita, communitgescha la Polizia chantunala dal Tessin.
In auto cun numera beltga è collidà frontalmain cun in auto registrà en l'Italia. Tenor la polizia n'èsi betg cler, tgi che ha manà ils autos e co l'accident è capità. Il tunnel Fieud ha stuì vegnir serrà. La via dal pass è stada serrada fin questa damaun a las 08:00.
audio
Per tadlar: Las novitads da las 06:00
ord Novitads dals 19.06.2020.
Maletg: RTR
laschar ir. Durada: 5 minutas 32 Secundas.