Siglir tar il cuntegn

Svizra Colonnas da fin 13 kilometers avant il Gottard

Oz en damaun è la colonna avant il tunnel dal Gottard en direcziun sid creschida sin fin a 13 kilometers. Quai che munta in temp da spetga da duas uras ed in quart, quai communitgeschan ils servetschs da traffic.

Avant il Gottard hai num spetgar!
Legenda: Avant il Gottard hai num spetgar! Keystone
Colonnas avant il tunnel dal Gottard.
Legenda: La colonna avant il tunnel dal Gottard en direcziun sid ha cuzzà l'entira notg. (maletg d'archiv). Keystone

La notg passada è la colonna avant il tunnel dal Gottard en direcziun sid creschida sin fin a 12 kilometers. E quai munta in temp da spetga da duas uras tenor ils servetschs da traffic. Gia ier suentermezdi eran las colonnas avant il Gottard fin a 10 kilometers, e curt avant mesanotg eran ellas anc adina radund 3 kilometers lungs. Impediments ha quai era dà da la vart sid dal tunnel pervia ch'in auto è brischà sin l'A2 datiers da Lugano.

Tenor valitaziun dals servetschs da traffic Viasuisse pudessan las colonnas vers sid anc crescher en il decurs da la sonda. Las colonnas pudessan pir sa schliar vers saira. I vegn cusseglià da guntgir sur l'A13 ed il San Bernardino u il transport d'autos al Lötschberg.

Il motiv per las colonnas èn ils cumenzaments da las vacanzas da scola en il chantun Turitg, sco era per part en Germania ed en Ollanda.

Via libra vers nord

Sin la vart dal sid dal tunnel en il Tessin en direcziun nord na deva quai nagins problems. La via tranter Quinto ed Airola era libera.

RR novitads 06:00