Il traffic da vacanzas en direcziun sid cuntinuescha era glindesdi. Da mezdi stagnavan ils autos sin ina lunghezza da 14 kilomters avant il portal dal nord dal Gottard. Per evitar che las automobilistas ed ils automobilists svieschan la colonna è l'entrada a Göschenen vegnida serrada. Gia la sonda eran ils autos stads colonna sin ina lunghezza da 14 kilometers – avant il portal dal sid ad Airolo èsi stà 10 kilometers. La dumengia èn las colonnas lura puspè stadas in zic pli pitschnas.
Sin la ruta dal Gottard en direcziun sid datti adina puspè colonnas, perquai ch'ins po charrar mo sin 1 vial, ed i vegn dosà il traffic cun in'ampla.
Sin la ruta dal San Bernardino ch'è la ruta alternativa en il sid n'èn annunziadas anc naginas colonnas (stan 15:20).