Siglir tar il cuntegn

Header

cuntegn

Colur dad egls u chavels Investigaders duain duvrar dapli infurmaziuns da DNA

Il Cussegl dals chantuns vul da princip lubir la fenotipisaziun ord la DNA tar cas criminals. Cun questa metoda pon ins eruir la colur dad egls u chavels sco era la vegliadetgna d'ina persuna. Enfin uss dastgavan ins sulettamain eruir il gender.

La fenotipisaziun saja in'intervenziun extendida en il dretg fundamental, di Beat Rieder, pledader da la cummissiun che ha predeliberà la fatschenta. Il champ d'applicaziun saja d'analisar cleramain, aschunta Mathias Zopfli dals Verds ch'è era commember da la cummissiun. Senza catalog saja la lescha nunduvrabla politicamain e praticamain. La cummissiun propona a la chombra pitschna da formular pli restrictiv la lescha.

L'analisa da profils da DNA saja ina metoda fundamentala da la lavur d'inquisiziun, di la ministra da giustia Karin Keller-Sutter. L'introducziun da quella saja stada ina revoluziun. Uss saja d'actualisar la lescha cun il svilup actual da l'analisa da DNA, la fenotipisaziun. Ins possia en spezial evitar il «Racial Profiling».

audio
Per tadlar curt e cumpact
00:57 min, RTR Audio dals 22.09.2021.
laschar ir. Durada: 00:57 minutas.

RTR novitads 12:00

Artitgels legids il pli savens

Scrollar a sanestra Scrollar a dretga