Siglir tar il cuntegn

Header

cuntegn

Comité cun in'iniziativa Be pli 200 enstagl da 335 francs taxas da radio e televisiun

Critichers da la SRG/SSR vulan reducir las taxas Serafe per radio e televisiun da 335 sin 200 francs ad onn. La Partida populara Svizra, l'Uniun svizra d'artisanadi e mastergn sco era ils Giuvens liberals han preschentà l'iniziativa a Berna. Dasper smesar las taxas per las chasadas pretendan ils iniziants era che firmas vegnian deliberadas da quella. Tranter auter argumentescha il comité che la SRG/SSR saja sin martgads nua che la concessiun na prevesia betg quai e produceschia emissiuns che na sajan nagin service public.

Suenter che la chanzlia federala ha examinà il text da l'iniziativa, vul ins cumenzar a rimnar suttascripziuns. L'iniziativa suonda quatter onns suenter che l'iniziativa da «No-Billag» era vegnida renviada cun prest 72%.

Ord l'archiv

Il mars 2018 ha il pievel votà davart l'iniziativa da «No Billag».

video
Politica e service public - il discurs
Or da Telesguard dals 04.03.2018.
laschar ir. Durada: 6 minutas 20 Secundas.

RTR novitads 18:00

Artitgels legids il pli savens

Scrollar a sanestra Scrollar a dretga