Siglir tar il cuntegn

Header

cuntegn

Commerci en detagl Migros abolescha scumond d'alcohol

La maioritad da las delegadas ed ils delegads ha decidì a lur radunanza d'abolir il scumond d'alcohol en las filialas da Migros. Sco proxim sa fatschentan las societads regiunalas dal tema.

Enfin ch'ins po dentant propi cumpar alcohol en filialas da la Migros, vegni anc a cuzzar in temp. Plinavant poi er dar differenzas regiunalas. A partir dal december decidan numnadamain las 10 societads regiunalas davart la pussaivladad da vender alcohol. Er là ston almain dus terzs dals gremis approvar quai. Quest process cuzza anc enfin il zercladur 2022.

En las filialas da las societads regiunalas che decidan da vender alcohol, po quel vegnir en ils regals a partir dal 2023.

«Tradiment» a la DNA da la Migros

Avant la votaziun aveva la Crusch blaua discurrì d'in tradiment a la DNA da la Migros. L'interpresa ristgia da perder la reputaziun sco in detaglist sozial cun responsabladad envers la societad.

Enfin uss èsi stà scumandà tenor ils status da vender alcohol en las filialas staziunaras. Dapi onns ha il concern dentant gia svià quest scumond a moda indirecta cun sias societads affiliadas Denner, Migrolino ed en sia stizun online leshop.ch, sco er ils tancadis da Migrol.

Gia il 1999 ha la radunanza da delegadas e delegads decidì da lubir alcohol en las ustarias, ils clubs da golf e ils implants da temp liber.

Ord l'archiv da SRF

In di avant la votaziun:

video
Migros entscheidet über Verkauf von Alkohol
Or da Tagesschau dals 05.11.2021.
abspielen. Laufzeit 2 minutas 42 Sekunden.

RTR novitads 14:00

Artitgels legids il pli savens

Scrollar a sanestra Scrollar a dretga