Siglir tar il cuntegn

Header

cuntegn

Commerzi en detagl Coop surpiglia Jumbo

Il detaglist Coop surpiglia la chadaina da butias da construcziun «Jumbo» – da la possessura da Manor «Maus Frères». Davart il pretsch da cumpra na fan las interpresas naginas indicaziuns.

La rait da filialas da Jumbo cun totalmain 40 butias giaja bain ensemen cun lur stizuns, ha Coop scrit en sia communicaziun. La WEKO sto anc dar ses consentiment al transfer. Fin lura hajan els er anc da sclerir dumondas da detagl, ha la pledadra da Coop ditg. Tranter auter n'èsi betg anc cler sche Coop surpiglia tut il persunal da Jumbo.

Manor resta impurtant

Ch'els veglian sa concentrar sin la fatschenta da coc, ha declerà il president dal cussegl d'administraziun da «Maus Frères», Didier Maus. Qua sa tracti da la chadaina da butias grondas Manor, e las marcas da premium cun il num MF Brands. La vendita augmentia las ressursas finanzialas per nizzegiar chaschuns da cumprar ulteriuras marcas da premiun, ha Maus agiuntà.

RTR novitads 11:00

Artitgels legids il pli savens

Scrollar a sanestra Scrollar a dretga