Satgs da plastic da bittar vegnan duvrads adina damain en Svizra. L’onn passà èn vegnids duvrads be anc 57 milliuns da quels. Quai èn 14% damain che l’onn avant ed 86% damain cumpareglià cun il 2016. Quai han communitgà la cuminanza d’interess «Commerzi en detagl Svizra« e la «Swiss Retail Federation».
Il 2016 èn las 2 uniuns sa cunvegnidas da reducir il diever da satgs da plastic da bittar. Tenor lur cunvegna na datti pli nagins satgs da plastic gratuits a las cassas da butia. Passa 30 detaglists da mangiativas han fin ussa aderì a la cunvegna.
RR novitads 11:00