Siglir tar il cuntegn

Header

Navigaziun

cuntegn

Commerzi en detagl Migros vul vender Globus, Depot, Interio ed M-way

La Migros gruppa venda sia las fatschentas da Globus, la chasa da mobiglias Interio, il spezialist d'indrizs e da decoraziun Depot sco era la figlia dad e-bikes, M-way. Las sinergias da quellas interpresas cun la fatschenta da coc da la Migros sajan plitost pitschnas, ha la Migros argumentà la decisiun. Las fatschentas hajan meglras schanzas ordaifer la Migros, hai gì num.

La Migros n'è ozendi betg pli la meglra possessura.
Autur: Fabrice ZumbrunnenPresident da la Migros

Ins tschertgia uss interessents che possedian il Know-how per sviluppar enavant las interpresas.

Process pli lung

La Migros n'ha betg numnà ina limita da temp per la vendita. Il process dovria tut tenor interpresa dapli u pli pauc temp, hai gì num en la communicaziun. Per collavuraturs e clients na duai dentant betg esser da sentir ina midada durant quest temp transitoric. Vid la strategia na vegnia midà nagut durant quest temp. Migros vul rinforzar sia fatschenta da coc. Las interpresas dal fatg Do it + Garden, OBI, melectronics, micasa, SportXX e Bike World duain vegnir sviluppads enavant.

RR novitads 09:00