I manchia persunas da contact suenter che differents giuvenils sajan viagiads en il Dschihad, hai num en in rapport da la Rait naziunala da segirezza svizra. In post naziunal en furma d'in center da cumpetenza vegnia examinà. En emprima lingia duai la prevenziun dentant avair lieu sin plaun local.
Prevenziun locala
Dapli paisa duain era survegnir la collavuraziun ed il barat d'infurmaziuns. En ils chantuns e la vischnancas na stoppia betg exnum vegnir stgaffì novs post da spezialisaziun. I saja però da communitgar cleramain che post che saja responsabel per tge.
La radicalisaziun saja ina sfida per l'entira societad, di il delegà da la rait naziunala da segirezza André Duvillard. Il rapport è vegnì publitgà en il rom da la taskforce TETRA ed è vegnì surdà als chantuns.
RR novitads 12:00