Sin l'autostrada A13 datti colonnas tranter Giuvaulta e Rehanau/La Punt en direcziun da Cuira. Il temp da spetga munta a radund 20 minutas. Er colonnas datti sin la via principala tranter Cazis e Domat en direcziun da Cuira.
Il traffic stagnescha er sin plirs trajects da l'autostrada tranter Andeer e Tusaun en direcziun da Cuira.
Er al Gottard èsi da spetgar
Davant il tunnel dal Gottard dovri er questa fin d’emna pazienza: Davant il portal sid tranter Faido ed Airolo è la colonna actualmain 9 kilometers lunga. Il temp da spetga munta ad 1 ura e mesa. Damai ch'i vegn cusseglià da guntgir sur la ruta dal San Bernardino, datti er là colonnas sin plirs trajects en direcziun da Cuira. Quai scriva il servetsch da traffic Viasuisse.
RR novitads 14:00